Xırdalan şəhərində yolların pis vəziyyəti sakinlərin narazılığına səbəb olub.
Sosial şəbəkələrdə yayılan görüntülərə görə, yaşayış binalarının yaxınlığında yol örtüyü tamamilə yararsız hala düşüb.
Yolda çoxsaylı çuxurlar əmələ gəlib, bəzi hissələrdə isə yağış və texniki suların yığılması nəticəsində gölməçələr yaranıb.
Sürücülər nəqliyyat vasitələrinin hərəkətinin çətinləşdiyini və yolların avtomobillərə ziyan vurduğunu bildirirlər.
Məsələ ilə bağlı aidiyyəti quruma sorğu göndərilib.
