Xocalı rayonuna növbəti köç reallaşıb. Mayın 26-da doqquz ailə - 29 nəfər beş kəndə qayıdıb.
Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidmətinin məlumatına görə, sakinlərə yeni mənzillərin açarları təqdim olunub.
Köç prosesində Xanabad kəndinə 2 ailə (9 nəfər), Badara kəndinə 2 ailə (4 nəfər), Ballıca kəndinə 1 ailə (1 nəfər), Təzəbinə kəndinə 1 ailə (3 nəfər), Xanyurdu kəndinə isə 3 ailə (12 nəfər) köçürülüb.
Bütün evlər tam bərpa olunub və müasir infrastruktura malikdir. Sakinlər dövlətin yaratdığı şəraitdən məmnun olduqlarını və doğma yurdlarına qayıtmağın sevincini yaşadıqlarını bildiriblər.
Qeyd edək ki, "Böyük Qayıdış" proqramı çərçivəsində işğaldan azad olunan ərazilərə əhalinin mərhələli şəkildə qayıdışı davam edir.
