Yayın ilk ayı bitməsinə baxmayaraq, havaların qeyri-sabit olması çimərlik mövsümünə mənfi təsir göstərir.
Novxanı çimərliklərində bu il əvvəlki illərə nisbətən xeyli az adam var. Yağış və külək səbəbindən müştəri sayı kəskin azalıb.
Dənizkənarı obyektlərdən birinin administratoru İbrahim Novruzov bildirib ki, iyun ayı ərzində çimərliklər demək olar ki, boş qalıb.
Sahibkarlar əsas gəlirlərini yay aylarında əldə etməyi planlaşdırsalar da, mövsümün üçdə biri geridə qalıb, lakin gözlənilən qazanc əldə olunmayıb.
Icarə haqqı 60-80 min manat arasında dəyişən obyektlər hava şəraiti davam edərsə, mövsümü zərərlə başa vura bilər.
