Azərbaycan Metrologiya İnstitutunun (AzMİ) baş direktoru Xamis Seyranov bildirib ki, yanlış laborator ölçmələri insan sağlamlığı üçün təhlükə yarada bilər.
Onun sözlərinə görə, məhsulların keyfiyyətinin təsdiqlənməsində metroloji xidmətlərin rolu çox önəmlidir. “Sahibkar istehsal etdiyi məhsulun keyfiyyət göstəricilərinə cavab verməsini təmin etməlidir. Əks halda, qlobal rəqabətdə yer tapa bilməyəcək”, – deyə o qeyd edib.
Xamis Seyranov vurğulayıb ki, dəqiq ölçmələr olmadan istehsal prosesi idarə oluna bilməz. “Səhv laborator analizlər səbəbindən insanlara yanlış məlumat verilə bilər ki, bu da həyati risklərə yol açar”, – deyə o əlavə edib.
