Fövqəladə Hallar Nazirliyinin (FHN) Dövlət Yanğın Nəzarəti Xidməti Bakının Yasamal rayonunda mebel sexində yoxlama keçirib.
Yoxlama zamanı çoxsaylı nöqsanlar aşkarlanıb:
- Avtomatik yanğın siqnalizasiyası yox idi;
- Daxili yanğın kranları quraşdırılmamışdı;
- Elektrik naqilləri yanar material üzərindən çəkilmişdi;
- Yanğın söndürən balonlar tam deyildi;
- Boyama otağında havalandırma yox idi;
- Təxliyə planı hazırlanmamışdı;
- Taxta konstruksiyalar odadavamlı həll ilə hopdurulmamışdı;
- Qeyri-standart qızdırıcılardan istifadə olunurdu;
- Obyekt yonqardan təmizlənməmişdi;
- İşçilər yanğın təhlükəsizliyi üzrə təlimatlandırılmamışdı;
- Sexin daşınmaz əmlakı sığortalanmamışdı;
- Obyektin istismarı FHN ilə razılaşdırılmamışdı.
Mövcud vəziyyət yanğın riskini artırırdı. FHN sexin fəaliyyətini dayandırmaq qərarına gəlib.
