Bakının Yasamal rayonunda yol kənarındakı ağacın budaqları avtomobillərin hərəkətinə əngəl törədir.
Oxu.Az-a daxil olan şikayətə görə, Bəxtiyar Vahabzadə küçəsi ilə Hüseyn Cavid prospektinin kəsişməsində əyilmiş budaqlar sağ zolaqda hərəkəti çətinləşdirir.
Sürücülər qəfil sol zolağa keçmək məcburiyyətində qalır, bu da qəza riskini artırır.
Bakı Şəhər Yaşıllaşdırma Təsərrüfatı Birliyi isə budaqların sərt budanmasının ağacın inkişafına zərər verəcəyini bildirib.
