İyunun 7-də Masazır qəsəbəsində yol-nəqliyyat hadisəsi mübahisəyə səbəb olub.
KİA markalı avtomobilin sürücüsü yaşıl işıqda əsas yola çıxmaq istəyərkən qarşısına Mercedes çıxıb. KİA sürücüsü etiraz edəndə qarşı tərəf söyüş və təhqirlərlə cavab verib. Daha sonra Mercedes sürücüsü maşını geri vuraraq qəsdən KİA-ya çırpıb.
Zərərçəkən Baku TV-yə deyib: "Siqnal verdim ki, niyə belə edirsən? Dedi: 'Yaxşı edirəm'. Qısa mübahisə oldu. Sonra maşını geri vurub üstümə sürdü və əzdi. O, qırmızı işıqda hərəkət edərək üstümə gəlmişdi. Maşına 2 min manat ziyan dəyib. Ətrafdakılar da etiraz etdi, amma o, onlara da hücum etdi."
Polis əməkdaşları hadisə ilə bağlı araşdırma aparır.
