Yay fəsli (Yay günəş duruşu) Azərbaycana iyunun 21-i Bakı vaxtı ilə saat 12:24:26-da daxil olacaq.
Bakı Dövlət Universitetinin Astrofizika kafedrasının məlumatına görə, bu zaman Şimal yarımkürəsində astronomik yay, Cənub yarımkürəsində isə qış başlayacaq.
Həmin gün Günəş səmada ən yüksək nöqtəyə çatacaq. Bakıda Günəş üfüqdən maksimum 73.1° yüksəklikdə olacaq.
Bu, ilin ən uzun gündüzü və ən qısa gecəsinin yaşandığı gündür. Gündüz 15 saat 03 dəqiqə 24 saniyə, gecə isə 8 saat 56 dəqiqə 36 saniyə davam edəcək.
Yay fəslinin ümumi uzunluğu 93 gün 15 saat 40 dəqiqə 42 saniyə təşkil edəcək.
