Nazirlər Kabineti 'Bina və qurğuların layihələndirilməsində əlilliyi olan şəxslər üçün zəruri olan həyat və fəaliyyət şəraitinin yaradılması qaydaları'nı təsdiq edib.
Yeni qaydalar bütün yeni bina və qurğuların layihələndirilməsi, yenidən qurulması və əsaslı təmiri zamanı tətbiq olunacaq.
Qaydalara əsasən, yaşayış məntəqələrində infrastruktur obyektləri universal dizayn prinsipləri əsasında əlillər üçün maneəsiz olmalıdır.
Layihə həlləri əlillərin xidmət məntəqələrinə əlçatanlığını, təhlükəsiz hərəkət yollarını, vaxtında təxliyəni və keyfiyyətli məlumat əldə etməsini təmin etməlidir.
Torpaq sahələrində əlillər üçün parklanma yerləri, uyğunlaşdırılmış piyada yolları və istirahət zonaları ayrılmalıdır.
Piyada yollarının eni ən azı 2 m, xarici pilləkən marşlarının eni isə ən azı 1.35 m olmalıdır.
