Bakı Şəhəri üzrə Təhsil İdarəsinin (BŞTİ) tabeliyindəki tam orta məktəblərdə X-XI siniflər üçün yeni təmayül tədris modelinə şagird və müəllim qeydiyyatı başlayıb.
BŞTİ məlumatına görə, model məktəbin akademik rolunu gücləndirir, şagirdləri ali təhsilə hazırlayır. Məqsəd əlavə kurslara ehtiyac olmadan məktəbdə gücləndirilmiş tədrislə universitet qəbulu üçün zəruri bilik və bacarıqlar qazandırmaqdır.
Dərslər təmayül istiqamətləri üzrə məqsədyönlü təşkil olunacaq, seçilən ixtisasa uyğun fənlərə xüsusi diqqət yetiriləcək. Qeydiyyatda BŞTİ-yə tabe məktəblərin X və XI sinif şagirdləri iştirak edə bilər. Keyfiyyətli tədris üçün qabaqcıl müəllimlər cəlb olunacaq.
Model Bakıda 30 məktəbi əhatə edir. Qeydiyyat elektron sistemlə aparılır:
