Nazirlər Kabineti çoxmənzilli yaşayış binalarında fərdi istilik sistemlərinin quraşdırılmasına yalnız müəyyən hallarda icazə veriləcəyini təsdiqləyib. Yeni qaydalara əsasən, fərdi istilik sistemləri yalnız 5 mərtəbəyədək binalarda, qaz təchizatı olmayan ərazilərdə və ya bərpa olunan enerji mənbələri ilə təmin edildikdə tətbiq oluna bilər.
Ekspertlərə görə, bu dəyişiklik yalnız yeni layihələndirilən binalara şamil edilir. Mövcud binalarda kombi sistemləri qalacaq. Lakin yeni tikililərdə mərkəzləşdirilmiş istilik sistemlərinə keçid tikinti xərclərini artıracaq.
Uzunmüddətli perspektivdə bu dəyişikliklər daha təhlükəsiz və enerji səmərəli binaların inşasına səbəb olacaq. Qısa müddətdə isə mənzil qiymətlərinin artması gözlənilir.
