44 günlük Vətən müharibəsini simvolizə edən Zəfər parkı bu gün Xankəndinin ən görkəmli məkanlarından biridir.
Baku TV-nin xəbərinə görə, təxminən 9 hektara yaxın ərazini əhatə edən parkda yüzlərlə ağac növü, minlərlə gül və kol bitkisi əkilib.
Parkın giriş hissəsindən Zəfər tağına qədər uzanan 44 pilləkən isə Vətən müharibəsinin günlərinin sayını simvolizə edir.
Xankəndinin gözəlliyinə xüsusi rəng qatan Zəfər parkı xüsusilə axşam saatlarında daha füsunkar görüntüsü ilə diqqət çəkir.
Şəhərin mərkəzində salınan parka gələnlər burada həm istirahət edir, həm də qələbə ruhunu duyurlar.
Park ərazisində geniş yaşıllıq zonaları, gəzinti yolları, istirahət guşələri və müxtəlif sosial obyektlər istifadəyə verilib.
