Ağdam rayonunda çobanlar arasında baş verən mübahisə faciə ilə nəticələnib.
İyunun 14-ü axşam Çullu kəndi yaxınlığındakı otlaqda iki çoban spirtli içki qəbul edərkən aralarında dava düşüb.
1979-cu il təvəllüdlü Elşad Gözəlov ov tüfəngi ilə 1975-ci il təvəllüdlü Rövşən Şirinova atəş açıb, onu qolundan yaralayıb. Daha sonra Gözəlov eyni silahla intihar edib.
Yaralı Şirinov xəstəxanaya çatdırılıb, əməliyyat olunub. Faktla bağlı cinayət işi başlanıb.
