Bakıda qətl hadisəsində təqsirləndirilən Nəcəf Qafarov və qızı Nuranə Nəcəfova məhkəmə tərkibinə etiraz ediblər.
Bakı Ağır Cinayətlər Məhkəməsində hakim Nigar İmanovanın rəhbərlik etdiyi iclasda təqsirləndirilən Nəcəf Qafarovun vəkili Rövşən Qasımov məhkəmə tərkibinə etiraz edib. Məhkəmə bu vəsatəti təmin etməyib.
Sübutların araşdırılması davam edir. Növbəti iclas iyunun 9-na təyin edilib.
Hadisə aprelin 21-də Binəqədi rayonunda baş verib. 37 yaşlı Ədil Məhərrəmov qətlə yetirilib. Şübhəli qayınatası Nəcəf Qafarov saxlanılıb. Daha sonra qızı Nuranə də ittiham edilib.
Onlar qəsdən adam öldürmə maddələri ilə təqsirləndirilirlər.
