Bakı-Hövsan Beynəlxalq Ticarət Dəniz Limanının sahibi Ruslan Eyyubov, liman rəisi Rəşad Daşdəmirov və Liman Məntəqə rəisi Fərid Usubov yenidən məhkəmə qarşısına çıxıblar. Onlar 5 milyon manatlıq siqaret qaçaqmalçılığında ittiham olunurlar.
Prokuror təqsirləndirilən şəxslərin həbs müddətinin uzadılmasını istəyib. Binəqədi Rayon Məhkəməsi ibtidai araşdırmanın davamı üçün təqdimatı təmin edib.
Nəticədə, hər üç şəxsin həbsdə qalma müddəti daha 3 ay artırılıb. Onlar 5 ay əvvəl saxlanılıblar.
İş Baş Prokuror yanında Korrupsiyaya qarşı Mübarizə Baş İdarəsində araşdırılır. Qeyd edək ki, Fərid Usubov keçmiş general-mayor Cəbrayıl Usubovun oğludur.
