Daxili İşlər Nazirliyi (DİN) narkotik vasitələrin qanunsuz dövriyyəsinə qarşı Bakı, Sumqayıt və Masallı rayonunda geniş əməliyyat keçirib.
DİN məlumatına görə, əməliyyat zamanı əvvəllər məhkum olunmuş dörd nəfər saxlanılıb.
Onlardan 40 kiloqram tiryək, tərkibinə zərərli maddələr əlavə edilmiş marixuana və 500 ədəd psixotrop tərkibli metadon həbi aşkar edilib.
Saxlanılan şəxslərin xarici ölkələrdə yaşayan narkotacirlərin tapşırığı ilə narkokuryerlik etdikləri müəyyən edilib.
Faktla bağlı cinayət işi başlanılıb və məhkəmə qərarı ilə həbs qətimkan tədbiri seçilib.
