Dövlətə xəyanətdə ittiham olunan Siyafət Fərzəliyev barəsində DTX tərəfindən başlanmış cinayət işi üzrə məhkəmə araşdırması başa çatıb.
Naxçıvan Ağır Cinayətlər Məhkəməsində hakim Faiq Heydərovun sədrliyi ilə baxılan iş üzrə hökm çıxarılıb.
Hökmə əsasən, təqsirləndirilən şəxs 15 il 6 ay müddətinə azadlıqdan məhrum edilib.
İttihama görə, xarici xüsusi xidmət orqanının nümayəndələri tərəfindən maddi maraq müqabilində məxfi əməkdaşlığa cəlb edilmiş Fərzəliyev casusluq fəaliyyəti həyata keçirib.
O, həmçinin qanunsuz olaraq odlu silahın komplekt hissələrini əldə edib, daşıyıb və saxlayıb.
Fərzəliyev DTX-nin əməliyyat-axtarış tədbirləri nəticəsində saxlanılıb.
O, Cinayət Məcəlləsinin 228.1 və 274-cü maddələri ilə ittiham olunub.
