Bakıda Səbail Rayon Məhkəməsi bir neçə tanınmış siyasi xadim barəsində qətimkan tədbirlərinin müddətlərinin uzadılması barədə qərar verib.
Məhkəmə Dövlət Təhlükəsizliyi Xidmətində (DTX) davam edən istintaq çərçivəsində Prezident Administrasiyasının sabiq rəhbəri Ramiz Mehdiyev, AXCP sədri Əli Kərimli, Prezident Administrasiyasının keçmiş əməkdaşı Eldar Əmirov və AXCP Rəyasət Heyətinin üzvü Məmməd İbrahimin işlərinə baxıb.
Əli Kərimli və Məmməd İbrahimin həbs müddəti daha beş ay uzadılıb. Ramiz Mehdiyevə isə ev dustaqlığı qətimkan tədbiri tətbiq edilib və bu müddət də beş ay artırılıb. Eldar Əmirov barəsində də eyni qərar verilib: onun həbsi daha beş ay uzadılıb.
Qeyd edək ki, Əli Kərimli Cinayət Məcəlləsinin 278.1-ci maddəsi (hakimiyyəti zorla ələ keçirməyə cəhd) ilə ittiham olunur. İstintaq DTX-da davam edir.
