ABŞ-nin Los-Anceles şəhərində erməni ailəsinin dörd üzvünün cəsədləri aşkarlanıb.
Oxu.Az-ın yerli KİV-ə istinadən xəbərinə görə, bu barədə hüquq-mühafizə orqanlarından məlumat verilib.
İlkin məlumata görə, qadın əvvəlcə iki uşağını və ərini qətlə yetirib, daha sonra intihar edib.
31 yaşlı Xajak Basmadjyan, onun iki yaşlı oğlu Alek və altı günlük qızı Ella öldürülüblər. Uşaqların anasının 30 yaşında olduğu bildirilir.
Müstəntiqlər qadını mümkün şübhəli kimi nəzərdən keçirirlər. Polis şübhəlilərin axtarışının aparılmadığını və işin təsdiqlənmiş qətl və ardınca intihar kimi təsnif edildiyini bildirib.
Bildirildiyinə görə, Xajak Basmadjyan "BlackLine" şirkətində proqram mühəndisi kimi çalışıb.
