Abşeron rayonunda 1982-ci il təvəllüdlü Eldar N. və tanışı Alim B. evə basqın etməkdə ittiham olunublar.
Hadisə Fatmayı kəndində baş verib. Eldar qeyri-rəsmi münasibətdə olduğu Samirənin atasının satdığı obyektin pulunun qardaşı Elmirin evində saxlanıldığını öyrənib.
O, Alimlə birlikdə Elmirin evinə basqın etməyi planlaşdırıb. Maska və əlcək geyinərək nərdivanla eyvana çıxıb pəncərədən içəri giriblər.
Eldar divanda yatmış Rozaya bıçaqla hücum edib, ağzını tutaraq xəsarət yetirib. Səs-küyə oyanan evdəkilər onları qaçmağa məcbur edib.
Məhkəmə hər iki təqsirləndirilən şəxsi 9 il müddətinə azadlıqdan məhrum edib. Cəzalarını ümumi rejimli cəza çəkmə müəssisəsində çəkəcəklər.
