Bakının tanınmış fitnes zallarından birinin rəhbəri Anar Mirbabayev narkotik saxlamaqda təqsirli bilinib. Onun işlədiyi idman zalında aparılan əməliyyat nəticəsində külli miqdarda metamfetamin aşkar edilib.
44 yaşlı məşqçi Bakı Ağır Cinayətlər Məhkəməsində mühakimə olunub. Məhkəmə onu Cinayət Məcəlləsinin 234.1-1-ci maddəsi ilə təqsirli bilib və 3 il həbs cəzası verib. Lakin himayəsində iki azyaşlı uşaq olduğu üçün cəza onların 14 yaşı tamam olana qədər təxirə salınıb. Mirbabayev məhkəmə zalından sərbəst buraxılıb.
DİN-in Baş Mütəşəkkil Cinayətkarlıqla Mübarizə İdarəsinin keçirdiyi əməliyyat zamanı fitnes zalından xeyli miqdarda "patı" (metamfetamin) götürülüb. Məlumata görə, onun müştəriləri arasında çoxsaylı tanınmış şəxslər olub.
Məhkəmə prosesində həmçinin məşqçinin həyat yoldaşının iki uşağı tərk edərək getdiyi və rəsmi boşandıqları qeyd olunub.
Daha ətraflı: narkotik, fitnes, metamfetamin.
