Dövlət Gömrük Komitəsi (DGK) kompleks gömrük nəzarəti və əməliyyat-axtarış tədbirləri nəticəsində külli miqdarda tütün məmulatının qanunsuz yolla ölkəyə gətirilməsinin qarşısını alıb.
Oxu.Az xəbər verir ki, bir qrup şəxs saxta sənədlərdən istifadə edərək Türkiyədən Azərbaycana gətirilən yük maşınında qaçaqmalçılıq edib. "Gübrə" yükünün arxasında gizlədilmiş 1 milyon 500 min manat dəyərində, 10 milyon ədəd "Boston" markalı aksiz markası olmayan siqaret aşkarlanıb. Şübhəli şəxslər saxlanılıb.
Faktla bağlı Cinayət Məcəlləsinin müvafiq maddələri ilə iş başlanıb, 3 nəfər təqsirləndirilən şəxs qismində cəlb edilərək həbs edilib. İstintaq tədbirləri davam edir.
