Göyçay Rayon Polis Şöbəsi əməkdaşlarının həyata keçirdikləri əməliyyat nəticəsində külli miqdarda narkotikin qanunsuz dövriyyəsinin qarşısı alınıb.
DİN Mətbuat Xidmətinin regional qrupundan verilən məlumata əsasən, tədbirlərlə 22 yaşlı Hüseyn Əliyev və onun yaşıdı Telman Mehdiyev saxlanılıblar.
Onlardan 8 kiloqramdan artıq marixuana və bir kiloqrama yaxın tiryək aşkarlanıb. Saxlanılan şəxslər narkotikləri satış məqsədilə əldə etdiklərini etiraf ediblər.
Faktla bağlı cinayət işi başlanılıb, məhkəmə qərarı ilə hər iki şəxs barəsində həbs qətimkan tədbiri seçilib.
