Bakı Ağır Cinayətlər Məhkəməsində İqor Zabolotski və İlnur Valitova hökm oxunub. Onlar kibercinayətkarlıqda təqsirləndirilirdi.
Dövlət ittihamçısı hər iki şəxsə 4 il həbs cəzası istəsə də, məhkəmə 3 il müddətinə azadlıqdan məhrumetmə qərarı verib.
Onlar Cinayət Məcəlləsinin 193-1.3.2-ci maddəsi (cinayət yolu ilə əldə edilmiş əmlakı leqallaşdırma) ilə ittiham olunurdular. Kibercinayətkarlıqla 98 min manat əldə edib leqallaşdırdıqları iddia edilir.
