Goranboy rayonunda bir marketə maskalı şəxs daxil olub. O, satıcıya kəsici alətlə hədə-qorxu gələrək kassadan 410 manatı götürüb.
Oxu.Az-ın məlumatına görə, Goranboy Rayon Polis Şöbəsi əməkdaşları hadisəni araşdırıb. 20 yaşlı Uğur Tağıyev şübhəli kimi saxlanılıb.
Marketin təhlükəsizlik kameraları hadisəni lentə alıb. Görüntülərdə gəncin marketə girməsi, pulu götürməsi və qaçması əks olunub.
Faktla bağlı cinayət işi başlanılıb. Araşdırmalar davam edir.
