Nizami rayonunda polis əməkdaşları 30 kiloqrama yaxın narkotik vasitəni dövriyyədən çıxarıb.
Daxili İşlər Nazirliyinin məlumatına görə, 25-ci Polis Şöbəsinin əməkdaşları narkotiklərin qanunsuz dövriyyəsinə qarşı əməliyyat keçirib.
Əməliyyat zamanı 45 yaşlı Teymur Bağırovdan 30 kiloqrama yaxın marixuana aşkar edilərək götürülüb.
Saxlanılan şəxs ifadəsində narkotikləri paytaxt ərazisində müxtəlif ünvanlara çatdırmağı planlaşdırdığını bildirib. Faktla bağlı cinayət işi başlanılıb və məhkəmə qərarı ilə həbs qətimkan tədbiri seçilib.
