Bakı Ağır Cinayətlər Məhkəməsində Respublika Perinatal Mərkəzində 7 körpənin ölümü ilə nəticələnən yanğınla bağlı növbəti proses keçirilib.
Məhkəmədə sabiq direktor Mehriban Abasquliyevanın vəkili Əlövsət Abbasov məhkəmə istintaqının yenilənməsi üçün vəsatət verib. Dövlət ittihamçısı istintaqın tamamlandığını bildirərək vəsatətin rəddini istəyib.
Digər vəkillər də müdafiə çıxışlarında müvəkkillərinin günahsız olduğunu vurğulayaraq bəraət hökmü çıxarılmasını tələb ediblər. Hakimlər vəsatəti təmin etməyib.
Növbəti proses iyunun 3-də davam edəcək.
