Özünü hüquq-mühafizə orqanlarının əməkdaşı kimi təqdim edərək işə düzəltmək və gömrük rüsumlarını ödəmək adı ilə dələduzluq edən Ağasəf Quliyevin məhkəməsi keçirilib.
Bakı Ağır Cinayətlər Məhkəməsində şahid Rauf Qasımov bildirib ki, təqsirləndirilən şəxsi 5 ildən çoxdur tanıyır: "Bacım oğlunu işə düzəltmək istəyirdik. Mənə baş idarədə işlədiyini demişdi. Uşağı gördü və dedi: bir az da məşq etsin, polisə düzəldək".
Məhkəmənin növbəti iclası iyunun 10-na təyin edilib. Daxili İşlər Nazirliyinə müraciət əsasında aparılan araşdırmada Quliyevin 108 min manat (iş vədi) və 25 min manat (avtomobil rəsmiləşdirmə) olmaqla ümumilikdə 133 min manat dələduzluq etdiyi müəyyən olunub. O, zərərçəkmişə yalan məlumat verib, saxta telefon danışıqları aparıb.
Quliyev barəsində həbs qətimkan tədbiri seçilib, Cinayət Məcəlləsinin 178.3.2-ci maddəsi ilə ittiham irəli sürülüb.
