Qaradağ Rayon İcra Hakimiyyətində (RİH) keçirilən əməliyyat nəticəsində saxlanılan sabiq müavin Nadir Muradov və digər vəzifəli şəxslərin cinayət işi üzrə məhkəmə istintaqı başlayıb.
Bu gün Qaradağ Rayon Məhkəməsində hakim Şəfa Dadaşovanın sədrliyi ilə keçirilən prosesdə təqsirləndirilən şəxslərə ittiham aktı elan olunub. Növbəti iclas iyunun 12-nə təyin edilib.
Onlar 2025-ci ilin noyabrında Baş Prokuror yanında Korrupsiyaya qarşı Mübarizə Baş İdarəsinin əməliyyatı zamanı həbs edilib. İstintaqa əsasən, Nadir Muradov digər şəxslərlə birlikdə Qaradağ ərazisində torpaq sahələrinin rəsmiləşdirilməsi və qeydiyyatı üçün rüşvət alıb.
Muradov, Qafar Abdullayev, Rəşad Nadirli, İsa Şəmsəliyev və Zülfüqar Mansurov Cinayət Məcəlləsinin 311.3.1, 311.3.2 və 311.3.3-cü maddələri ilə ittiham olunur. Həbs qətimkan tədbiri seçilmiş, bəziləri polis nəzarətinə buraxılıb.
