Qaradağ Rayon İcra Hakimiyyətinin sabiq vəzifəli şəxsləri ilə birgə həbs olunan İqtisadiyyat Nazirliyi yanında Əmlak Məsələləri Dövlət Xidmətinin sabiq rəis müavini Zülfüqar Mansurov azadlığa buraxılıb.
Bakı Apellyasiya Məhkəməsi hakim Aqil Musayevin sədrliyi ilə keçirilən prosesdə onun barəsində seçilmiş həbs qətimkan tədbirinin uzadılmasını ləğv edib. Mansurov həbsdən azad edilib, cinayət işi ibtidai istintaqa qaytarılıb.
O, 2025-ci ilin noyabrında Baş Prokuror yanında Korrupsiyaya qarşı Mübarizə Baş İdarəsinin Qaradağ Rayon İcra Hakimiyyətində keçirdiyi əməliyyat nəticəsində saxlanılıb. İstintaq onu və digər şəxsləri torpaq sahələri ilə bağlı rüşvət almaqda ittiham edirdi.
