İmişli Rayon Ağsaqqallar Şurasının həbs edilmiş sabiq sədri Saleh Səmədovun DTX-da aparılan cinayət işi üzrə məhkəmənin ilk baxış iclası keçirilib.
Bakı Ağır Cinayətlər Məhkəməsində dövlət ittihamçısı ittiham aktını elan edib. Akta əsasən, Səmədov 200 min manat mənimsəyib.
Saleh Səmədov özünü qismən təqsirli bilib. Növbəti iclas iyunun 10-na təyin olunub.
Qeyd edək ki, Səmədov Cinayət Məcəlləsinin 179.3.2 və 308.1-ci maddələri ilə ittiham olunub. O, ötən il 9 May tədbirində SSRİ bayrağı altında Georgi lenti ilə çıxış etdiyi üçün qalmaqala səbəb olmuşdu.
