"Arzum 9999" ləqəbli tiktoker İlduzə Hacıyevanın işi üzrə məhkəmə prosesi davam edir.
Xəzər Rayon Məhkəməsində keçirilən iclasda zərərçəkmiş tərəfin müdafiəçisi vəsatət verib.
Vəsatətdə təqsirləndirilən şəxsin sola dönərkən dönmə işığından istifadə etmədiyi iddia edilib. Lakin görüntülərə baxış zamanı dönmə işığının istifadə olunduğu məlum olub.
Vəkil Fərid Həsənov bir neçə vəsatət təqdim edib: hadisə yerinin sxeminin sübut siyahısından çıxarılması, ekspertlərin və müstəntiqin məhkəməyə çağırılması.
Dövlət ittihamçısı Nərmin Tahirzadə ekspertlərin çağırılmamasını, lakin müstəntiqin dindirilməsini məqsədəuyğun hesab edib.
Məhkəmə müstəntiqin ifadəsi ilə bağlı vəsatəti təmin edib, ekspertlərlə bağlı isə təmin etməyib.
Həmçinin, mərhumun anasının səhhətində problem olduğu üçün hüquqi varisliyin qızına verilməsi məsələsi qeyd olunub.
Növbəti iclas iyunun 11-nə təyin edilib.
Qeyd edək ki, qəza 2025-ci ilin iyununda Mərdəkan qəsəbəsində baş verib, 1 nəfər ölüb, 1 nəfər ağır xəsarət alıb.
Blogerə Cinayət Məcəlləsinin 263.2 və 264-cü maddələri ilə ittiham irəli sürülüb.
