Bakının Binəqədi rayonunda bir evdən 6000 dollar nağd pul oğurlanıb.
Daxili İşlər Nazirliyinin mətbuat xidmətindən verilən məlumata görə, hadisə ilə bağlı 51 yaşlı G.İsgəndərov şübhəli şəxs qismində saxlanılıb.
Araşdırma zamanı məlum olub ki, İsgəndərov həmin evdə təmir işləri aparan usta kimi çalışıb.
Eyni ərazidə keçirilən digər əməliyyatlar zamanı iki marketdən içki və tütün məmulatı oğurlamaqda şübhəli bilinən 48 yaşlı R.Hüseynov və 21 yaşlı A.Abbaslı da saxlanılıblar.
Faktlarla bağlı araşdırmalar davam edir.
