Baku TV-nin "O vaxtlar" verilişinin qonağı musiqiçi Vaqif Əsədov olub.
Tanınmış müğənni Eyyub Yaqubovun müəllimi olan sənətkar onunla aralarındakı bağlılıqdan danışıb: "Mən Eyyubun təkcə müəllimi deyil, həm də atası, anası, qardaşı olmuşam. O, sanki mənimlə nəfəs alırdı. Aramızda güclü bağlılıq var idi."
Vaqif Əsədov söz-söhbətlərə də aydınlıq gətirib: "Bəzi adamlar elə bilir ki, mənə Eyyub kömək edir. Bu cür sözlər mənə çox ağır gəlir. Belə köməyə ehtiyacım yoxdur."
O, keçmiş toylarla indikiləri müqayisə edib: "Əvvəllər toylar evlərdə keçirilərdi, səsgücləndirici olmadan hər şey eşidilərdi. İndi şadlıq saraylarında səs-küydən qonaqlar bayıra qaçır. Akustika çox bərbaddır."
