Avropa İttifaqının Məhkəməsi rusiyalı müğənni Polina Qaqarinanın iddiasını qeydə alıb. Oxu.Az-ın RBK-ya istinadla verdiyi xəbərə görə, iddia mayın 25-də təqdim olunub və hazırda baxış mərhələsindədir.
Cavabdeh qismində Avropa İttifaqı Şurası çıxış edir. Qaqarina əvvəllər də, 2024-cü ilin oktyabrında sanksiyaların ləğvi üçün məhkəməyə müraciət etmişdi.
O, Aİ Şurasını effektiv məhkəmə müdafiəsi, fikir və yaradıcılıq azadlığı hüquqlarını pozmaqda ittiham edir. Müğənni 2024-cü il iyunun 24-də Rusiyaya qarşı 14-cü sanksiya paketi çərçivəsində siyahıya salınıb.
Sanksiyaya məruz qalan şəxslər Ukraynanın ərazi bütövlüyünü təhdid edən hərəkətlərə görə məsul sayılır. Onlara Aİ ölkələrinə giriş qadağandır və maliyyə əməliyyatları yasaqlanıb.
