Məşhur rejissor Kventin Tarantino yenidən aktyor kimi səhnəyə qayıdır. O, həmkarı Ceymi Adamsın yeni dramatik filmində əsas rollardan birini canlandıracaq.
Oxu.Az xəbər verir ki, bu barədə Uelsin "Nation" portalı məlumat yayıb. Layihənin təfərrüatları hələlik gizli saxlanılsa da, çəkilişlərin Portkoul şəhərində aparıldığı məlumdur.
Portkoulda lentə alınan fotoda Tarantino ilə yanaşı, müğənni Kayli Minoqun da olması diqqət çəkib. Bu, filmin ulduzlu heyətinin göstəricisidir.
Qeyd edək ki, Tarantino daha əvvəl Adamsın "Only What We Carry" filmində də rol alıb. Həmin filmdə onun tərəf-müqabilləri Saymon Peqq və Sofiya Butella olub.
