Dünyaşöhrətli aktyor Ceki Çan "Tanrının yaraqları 4: Ultimatum" filmini Qazaxıstan və Azərbaycanda çəkəcək.
Bu barədə "Variety" məlumat yayıb. Çəkilişlər 2026-cı ilin iyul ayında başlayacaq və premyera 2027-ci ilin ikinci rübündə planlaşdırılıb.
Rejissor Robert Kun əvvəllər "Gecə növbətçisi" və "Major Grom" filmləri üzərində işləyib.
Film "Asiya şahini" ləqəbli Çanın macəralarını davam etdirəcək. Baş qəhrəman 20 milyon dollarlıq qədim artefakt uğrunda mübarizə aparacaq.
Layihə Qazaxıstanın "Salem Entertainment" şirkəti tərəfindən, "Alem" Fondunun dəstəyi ilə hazırlanır.
