Hindistanın Pəncab əyalətində 29 yaşlı məşhur müğənni İnder Kaurun meyiti itkin düşməsindən beş gün sonra Nilon kanalında tapılıb.
"Daily Star"ın məlumatına görə, sənətçi axşam saatlarında ərzaq almaq üçün "Ford Figo" markalı avtomobili ilə evdən çıxıb. Geri qayıtmayıb, telefonu söndürülüb. Qohumları axtarışa başlayıb və polisə müraciət ediblər.
Meyit kanaldan çıxarılıb, avtomobil isə hadisə yerindən bir kilometr aralıda tapılıb. Ekspertiza üçün mülki xəstəxanaya göndərilib.
Polis qətl faktı ilə bağlı istintaqa başlayıb, qaçırılma və məcburi evlilik versiyaları da araşdırılır.
