"Simpsonlar" animasiya serialının keçmiş ssenaristi Den Qrini 2028-ci ildə ABŞ prezident seçkisində iştirak edəcəyini açıqlayıb.
Oxu.Az-ın NME-yə istinadən verdiyi məlumata görə, Qrini sosial şəbəkələrdə yayımladığı videoda özünü "peyğəmbər" kimi təqdim edərək mövcud siyasi sistemi tənqid edib.
61 yaşlı ssenarist "Amerika hamı üçün" adlı seçki proqramını təqdim edib və hər iki partiyanı eqoizmdə ittiham edib.
Qrini "Simpsonlar"ın 7-11-ci mövsümlərində çalışıb, o cümlədən "Barton gələcəkdə" epizodunu yazıb. Həmin seriyada Liza Simpson Donald Trampın prezidentliyindən sonra böhranı müzakirə edir.
