Paramount Pictures "Xaç atası" franşizasının dördüncü hissəsi üzərində işə başlayıb. Film 2027-ci ildə ekranlara çıxacaq "Konni" romanı əsasında çəkiləcək.
Oxu.Az xəbər verir ki, bu barədə "Associated Press" agentliyi romanın hüquqlarını əldə edən "Random House" nəşriyyatına istinadən məlumat yayıb.
Korleone ailəsinin hekayəsi ilk dəfə qadın perspektivindən danışılacaq. Romanın müəllifi amerikalı yazıçı Adriana Tricianidir. O, "Xaç atası" dünyasında roman yazan ilk qadın yazıçıdır.
"Konni" romanı 2027-ci ilin payızında nəşr olunacaq. Hekayənin mərkəzində Konstansiya (Konni) Korleone dayanır. O, don Vito Korleone və Karmela Korleonenin ən kiçik övladı və yeganə qızıdır.
Triciani bildirib: "Konni qadının əvvəlcədən müəyyən edilmiş bir dünyada öz yerini tapmaq mübarizəsindən bəhs edir."
Trilogiyada Konni rolunu Frensis Ford Koppolanın bacısı Taliya Şayr canlandırıb.
