Şəhid Elgün Quliyevin anası Qənirə Quliyeva Vətən müharibəsi şəhidinin xatirəsini əziz tutaraq, könüllü qatıldığı müəllimlərin işə qəbulu imtahanında yüksək nəticə göstərib.
Oxu.Az xəbər verir ki, bu barədə Baku TV-nin videomaterialında bildirilib. O, uzun illər pedaqoji sahədə çalışıb və öz arzusu ilə imtahana girib.
Qənirə Quliyeva bildirib ki, imtahandan topladığı 48 bal onun üçün xüsusi əhəmiyyət kəsb edir: "İmtahanımı Elgünə hədiyyə edirəm. Çalışıram ki, Elgünə layiq olum. Allahdan da arzu edirəm ki, bizi şəhidlərə layiq eləsin."
O, həm də gələcək nəslin vətənpərvər, nümunəvi şəxsiyyət kimi yetişməsi üçün əlindən gələni etdiyini vurğulayıb.
