Yay mövsümünün başlaması ilə səyahət planları aktuallaşır. Heydər Əliyev Beynəlxalq Aeroportundan dünyanın 40-a yaxın aviaşirkəti müntəzəm reyslər həyata keçirir.
"AZAL", "Turkish Airlines", "Lufthansa", "Wizz Air" və digər daşıyıcılar geniş marşrut şəbəkəsi təqdim edir.
Türkiyənin kurortları və Avropa mərkəzləri ən populyar istiqamətlərdir. Antalya, Bodrum, Roma, Paris, Barselona kimi şəhərlər seçilir.
Asiya və Mərkəzi Asiyaya maraq artıb. Çinlə vizasız rejim Pekin və Urumçini cəlbedici edib. Astana, Daşkənd, Səmərqənd tarixi İpək Yolu ilə diqqət çəkir.
Yeni aviaşirkətlər şəbəkəni genişləndirib: "Air Serbia" Belqrad, "Airblue" Lahor, "FlyOne" Daşkənd uçuşları təklif edir.
Səyahətləri əvvəlcədən planlaşdırmaq və biletləri erkən almaq tövsiyə olunur.
