Bakı yay mövsümünün başlaması ilə yenidən minlərlə xarici qonağı qarşılayır. Tarixi İçərişəhər və müasir memarlıq turistləri valeh edir.
Azərbaycan Televiziyasının hazırladığı videomaterialda qonaqlar təəssüratlarını bölüşür:
“Qazaxıstandan, Almatıdan gəlmişik. Məqsəd tibbi turizm imkanları ilə tanış olmaqdır. Sanatoriyalara baş çəkdik.”
Gürcüstandan gələn turist: “Üç gündür buradayam, yeməklər çox dadlı, şəhər gözəldir. Yenə qayıdacağıq, daha uzun qalacağıq.”
Digər qonaq: “Yeddi gündür Azərbaycandayıq, Qarabağ, Şuşa və Naftalana səfər etdik. Tibbi turizm haqqında məlumat almaq üçün gəlmişik.”
Turistlər Azərbaycan mətbəxini və gözəlliyini tərifləyərək yenidən gəlmək istədiklərini bildirirlər.
