Beynəlxalq Hava Nəqliyyatı Assosiasiyasının (IATA) Avropa üzrə regional vitse-prezidenti Rafael Şvartsman bildirib ki, Azərbaycanın aviasiya bazarı Mərkəzi Asiya ölkələrinə nisbətən daha yetkindir.
O, IATA-nın 82-ci illik ümumi yığıncağı çərçivəsində keçirilən mətbuat konfransında bu fikirləri səsləndirib. Şvartsman qeyd edib ki, Mərkəzi Asiyada aviasiya sürətlə böyüyür, lakin Azərbaycan daha uzun müddətdir inkişaf edir.
O, həmçinin Qazaxıstanın uzun müddət regionda lider olduğunu, lakin Azərbaycanın geosiyasi böhran dövründə beynəlxalq logistik əməliyyatlarda fəal iştirak etdiyini vurğulayıb.
