Rusiya Federal Tibbi-Bioloji Agentliyi qlioblastomaya qarşı iki yeni peyvəndin təsdiqini gözləyir. Agentlik rəhbəri Veronika Skvortsova "RIA Novosti"yə müsahibəsində bildirib ki, icazə 2026-cı ildə alınacaq.
Birinci peyvənd peptid tərkibli "Qliopept" adlanacaq. İlin sonunda isə "Qliorna" adlı mRNT peyvəndi üçün icazə planlaşdırılır.
Onkoloq Yevgeni Çeremuşkin qlioblastomanın aqressiv bir xərçəng növü olduğunu və təsadüfən aşkarlandığını vurğulayıb. Simptomlar: görmə, eşitmə və iybilmənin pisləşməsi, baş ağrıları, koordinasiya pozulması.
