Rusiyalı alim Damir Udavliyev fumiqatorların (ağcaqanad vasitəsi) gecə boyu işlək saxlanmasının sağlamlıq üçün təhlükəli olduğunu bildirib.
Alim RT-yə müsahibəsində qeyd edib ki, fumiqatorlar havaya sintetik piretroidlər yayır. Bu maddələr həşəratları iflic edir. Kiçik və qapalı otaqlarda konsentrasiya gecə ərzində təhlükəli səviyyəyə çata bilər.
Uzun müddət tənəffüs başağrısı, ürəkbulanma, selikli qişaların qıcıqlanması və sinir sistemi pozuntularına səbəb ola bilər.
Uşaqlar, pişiklər, quşlar və akvarium balıqları bu toksinlərə daha həssasdır.
Mütəxəssis fumiqatoru yatmazdan 30-60 dəqiqə əvvəl, çarpayıdan ən azı 1 metr məsafədə işə salmağı, sonra söndürüb otağı havalandırmağı tövsiyə edir.
