Oftalmoloq Darya Orlova xəbərdarlıq edir: ultrabənövşəyi (UV) filtri olmayan gün eynəkləri eynək taxmamaqdan daha təhlükəlidir.
Regions.ru-nun məlumatına görə, tünd linzalar UV filtrsiz yalnız qaraltma effekti yaradır. Nəticədə bəbək genişlənir və daha çox UV şüa gözə daxil olur.
Bu, əsasən torlu qişa və göz büllurunu zədələyir, ciddi göz xəstəlikləri riskini artırır.
Keyfiyyətsiz plastik linzalar optik təhriflər yaradaraq göz əzələlərini yorur.
Mütəxəssis gün eynəklərini yalnız ixtisaslaşmış optika mağazalarından almağı tövsiyə edir. Spektrometr cihazı ilə qoruyucu xüsusiyyətləri yoxlamaq mümkündür.
Orlova vurğulayır: gün eynəyi yalnız aksesuar deyil, tibbi vasitədir. Su hövzələri, çimərliklər və dağlıq ərazilərdə istifadəsi vacibdir.
UV şüalar buludlu havada da təsirli olduğundan, gündüz açıq havada keyfiyyətli UV filtrli eynək taxılmalıdır. Kontakt linzalar tam qorunma təmin etmir.
