Baş ağrısı müasir dövrün ən geniş yayılmış sağlamlıq problemlərindəndir. Stress, əzələ gərginliyi, damar dəyişiklikləri və ya hormonal səbəblərdən yarana bilər. Dərman həmişə yeganə çarə deyil, buna görə də alternativ üsullara maraq artır.
Rusiyalı aromaterapevt İrina Dobryanskaya baş ağrıları üçün efir yağlarından istifadəni tövsiyə edir. Onun sözlərinə görə, bu yağlar qoxu duyğusu vasitəsilə beyinə təsir edərək stressi, narahatlığı və əzələ spazmlarını azadır.
Nanə efir yağı ən populyar seçimdir. Sərinlik hissi verərək ağrı siqnallarından yayındırır. Lavanda yağı stress və yuxusuzluqla bağlı miqrenlərə kömək edir. Roma çobanyastığı əsəb gərginliyini və boyun nahiyəsində yığılmanı azaldır.
Rozmarin zehni yorğunluq və aşağı təzyiq zamanı beynin damarlarını tonusa salır. Limon isə iltihab əleyhinə təsiri ilə boyundakı döyünən ağrıları yüngülləşdirir.
Yalnız 100% təbii, sintetik qatqısız yağlardan istifadə edin. Nanə və rozmarin hamiləliyin ilk trimestrində və 6 yaşdan kiçik uşaqlarda istifadə olunmamalıdır. Doza həddini aşmayın, əks halda ürəkbulanma və ya ağrının artması mümkündür.
