Böyük Britaniyanın aparıcı həkimləri sosial şəbəkələrin uşaqlar üçün yaratdığı təhlükəni siqaret çəkməyin nəticələri ilə müqayisə ediblər.
Bu barədə "Reuters" agentliyi məlumat yayıb. Tibb işçiləri qanunverici orqanları gənclərin gadget ekranları qarşısında həddən artıq vaxt keçirməsinin qarşısını almağa çağırır.
Kral Tibb Kollecləri Akademiyası hökumətə rəsmi müraciət edib. Qurum 23 tibb cəmiyyətini birləşdirir.
Həkimlər rəqəmsal texnologiyalardan nəzarətsiz istifadənin fiziki və psixi sağlamlığa mənfi təsirini vurğulayır. Sorğu nəticələrinə görə, həkimlərin yarısı həftədə belə problemlərlə qarşılaşır.
Müzakirələrə 16 yaşadək uşaqlar üçün sosial şəbəkələrin qadağan edilməsi, internetdən istifadəyə komendant saatı qoyulması daxildir. Texnologiyalar naziri Liz Kendall hökumətin tədbir görəcəyini bildirib.
