Sərinkeşin qarşısında yatmaq sağlam insanlar üçün təhlükəli olmasa da, bəzi şəxslər üçün ciddi risklər daşıyır.
Rusiyalı kardioloq Sergey Veçtomov bildirir ki, sərin hava axınının birbaşa bədənə uzun müddət təsiri problemlər yarada bilər.
Xüsusilə allergik riniti, xroniki burun-udlaq patologiyaları, oynaq xəstəlikləri və əzələ ağrıları olanlar diqqətli olmalıdır. Hava axını əzələ spazmlarına, boyun, çiyin və bel sərtliyinə səbəb ola bilər.
Həkim vurğulayır ki, sərinkeşin gecə boyu üfürməsi selikli qişanı qurudur, qoruyucu funksiyaları zəiflədir və tənəffüs yolu xəstəlikləri riskini artırır.
